ខេត្តកណ្តាល : អាជីវកម្មផ្សារបែកចាន ដែលស្ថិតនៅក្នុងឃុំបែកចាន ស្រុកអង្គស្នួល ខេត្តកណ្តាល ត្រូវបានរដ្ឋបាលខេត្តកណ្តាលផ្អាកដំណើរការជាបណ្ដោះអាសន្ន ដែលមានថិរវេលាអនុវត្តរយៈពេល ២(ពីរ)សប្ដាហ៍ គិតចាប់ពីថ្ងៃទី២៩ ខែមេសា ឆ្នាំ២០២១ រហូតដល់ទី១២ ខែឧសភា ឆ្នាំ២០២១ ដើម្បីបង្ការ និងទប់ស្កាត់ការឆ្លងរីករាលដាលនៃជំងឺកូវីដ-១៩ នៅក្នុង ភូមិសាស្ត្រខេត្តកណ្តាល។ នេះបើតាមសេចក្តីជូនដំណឹងរបស់រដ្ឋបាលខេត្តកណ្តាល នៅថ្ងៃទី៣០ ខែមេសា ឆ្នាំ២០២១នេះ។
អភិបាលខេត្តកណ្តាល លោក គង់ សោភ័ណ្ឌ ណែនាំចំពោះបងប្អូនដែលមានការពាក់ព័ន្ធផ្ទាល់ ឬដោយប្រយោលក្នុងព្រឹត្តិការណ៍ខាងលើ ត្រូវចូលរួមសហការ ជាមួយអាជ្ញាធរមានសមត្ថកិច្ច និងក្រុមការងារសុខាភិបាល ដើម្បីយកវត្ថុសំណាកទៅធ្វើតេស្តជាបន្ទាន់ នៅ មន្ទីរពេទ្យបង្អែក អង្គស្នួល ឬទំនាក់ទំនងលេខទូរស័ព្ទ ០៩៧ ៧៣ ៧៦ ៥៥៥ / ០១៧ ៤៥១ ០៩០ / ០១២ ៤១១ ២២៥ ព្រមទាំង ចូលរួមអនុវត្តវិធានការ “៣ ការពារ-៣ កុំ" របស់រាជរដ្ឋាភិបាល និងវិធានការសុខាភិបាល ជាចាំបាច់៕